კერძო სახლების მშენებლობა ბინების რემონტი

კომპანიის პირველი მიმართულება გახდა საიზოლაციო მასალების იმპორტი. დამფუძნებელს უწევდა ახალი ბრენდების მოძიება და საიზოლაციო მასალათა მნიშვნელობის პოპულარიზაცია კერძო მომხმარებელთან, რადგან მაშინ შენობების საიზოლაციო სამუშაოებზე დიდად თავს არ იკლავდნენ. თანდათან ხვდებოდა რა სულ უფრო მეტ პრობლემას, მეტად ერკვეოდა ამ სფეროში და კომპანიაც მეტად ვითარდებოდა.

ამ დროიდან დღემდე თ&თ ჯგუფი უწყვეტად აწარმოებს მთელს საქართველოს ტერიტორიაზე კერძო სახლების, სხვადასხვა შენობა-ნაგებობების მშენებლობასა და რემონტს. ამჟამად გვყავს დროში გამოცდილი და პროფესიონალების მიერ დაკომპლექტებული ჯგუფი, რომლის წევრებსაც აქვთ კონკრეტული ვიწრო სპეციალობა, ყველა სპეციალისტი თავის საქმეს აკეთებს. სამშენებლო ჯგუფის ყველა რგოლი გადის უწყვეტ კოორდინაციას და კონტროლს.

კომპანიის მიერაა აგებული ასეულობით კერძო საცხოვრებელი სახლი, ასამდე კომერციული შენობა-ნაგებობა, გარემონტებულია და რეკონსტრუირებული ათასობით ბინა და კომერციული ფართი.

ჩვენ წარმატებით ავაშენეთ და გავარემონტეთ მრავალბინიანი საცხოვრებელი კორპუსი ორთაჭალაში, სავაჭრო ცენტრების (Belle Maison, New Design, Building Solution – ბიესი), რამოდენიმე ცნობილი სასტუმროს და კვების ობიექტის შენობები (Amante,  Tbilisi Courtyard Marriott SPA, Subway ბათუმის ფილიალი. ჩვენი ჯგუფის მიერ გარემონტდა ისეთი სტრატეგიული ობიექტი, როგორიცაა თბილისის ცენტრალური სადგურის შენობა.